ممبئی:بالی ووڈ اداکارہ کرینہ کپور کو فلم انڈسٹری میں 23 برس مکمل ہوگئے، اس سے متعلق انہوں نے انسٹاگرام پر پوسٹ کی۔کرینہ نے ہنسل مہتا کی فلم سے ایک تصویر شیئر کرتے ہوئے کہا کہ آج کیمرے کا سامنا کرتے ہوئے 23 سال ہوچکے ہیں اور مزید 23 باقی ہیں۔
کرینہ آج کل نئی فلم ‘دی بکنگھم مرڈرز’ پر کام کر رہی ہیں جس کی تصویر انہوں نے شیئر کی ہے۔اس فلم میں ان کے ہمراہ کپل شرما، جے دیپ اور وجے ورما بھی شامل ہیں۔انہوں نے 23 برس کے فلمی کیریئر میں متعدد سپر ہٹ فلموں میں کام کیا جن میں جب وی میٹ، کبھی خوشی کبھی غم، کیونکہ، 3 ایڈیٹس اور کئی دیگر شامل ہیں۔
