تل ابیب: اسرائیلی وزیراعظم نیتن یاہو نے کریات شمونہ سے ایلات تک ریلوے منصوبے کا آغاز کرتے ہوئے دعوی کیا کہ مستقبل میں یہ منصوبہ وسیع ہوکر ہمیں سعودی عرب سے جوڑ دے گا۔
اسرائیلی میڈیا کے مطابق وزیراعظم نیتن یاہو نے یہ دعوی ایک اسرائیل منصوبے کا آغاز کرتے ہوئے کیا۔ یہ ریلوے منصوبہ ملک کے شمالی شہر کریات شمونہ کو جنوبی شہر ایلات کو تیز رفتار ٹرین کے ذریعے جوڑ رہا ہے۔وزیراعظم نیتن یاہو نے دعوی کیا کہ ریلوے کا یہ منصوبہ توسیع کے بعد اسرائیل کو سعودی عرب سے ملا دے گا اور مستقبل میں ہم اس ریلوے منصوبے کے ذریعے بحیرہ روم کے بندر گاہوں تک پہنچانے میں کامیاب ہوجائیں گے۔
اسرائلی وزیراعظم نیتن یاہو نے کہا کہ 100 بلین شیکل کے اس ریلوے منصوبے سے ملک کے شمال و جنوب ایک ہوجائیں گے۔ اسی لیے اس منصوبے کو One Israel منصوبے کا نام دیا ہے۔نیتن یاہو نے سعودی عرب تک ریلوے منصوبے سے متعلق مزید تفصیلات نہیں بتائیں لیکن اسرائیلی میڈیا نے دعوی کیا ہے کہ اسرائیل سے تعلقات کی بحالی کے لیے امریکا سعودی عرب سے مذاکرات کر رہا ہے جس میں اس ریلوے منصوبے سے متعلق بھی بات چیت ہوگی۔
