دوکوٹہ(نامہ نگار)قومی مسائل سے نجات دلانے کا واحد حل نظام مصطفی ۖہے: نیلم شہزادی ، تفصیل کے مطابق ویمن اسلامک مشن انٹرنیشنل کی نائب صدر معروف ثناء خوان رسول نیلم شہزادی نے کہا ہے کہ حضرت امام حسین کی قربانی کے سبب پوری کائنات میں صدائے توحید گونج رہی ہے۔ انہوں نے کہا کہ امام عالی مقام نے ظلم و استبداد کے سامنے اپنے جاں نثاروں کے ساتھ قیام کر کے دنیائے انسانیت کو یہ درس دیا کہ ظالم چاہے کتنا ہی طاقتور کیوں نہ ہو اس کے سامنے کلمہ حق کے لئے ڈٹ جانے کا نام حسینیت ہے حضرت امام حسین کی عظیم قربانی مشعل راہ ہے آج بھی اگر مسلمانوں کے دل و دماغ پر ملوکیت و باطل پرستی مسلط کر دی جائے تو فاطمہ کے لعل کے نقش قدم رہنمائی کرتے ہیں ان کا عمل و کردار راہ ہدایت دکھاتا ہے۔
دریں اثناء ویمن اسلامک مشن انٹرنیشنل کی نائب صدر نیلم شہزادی نے قاری محمد عثمان نورانی کی رہائش گاہ پر گفتگو کرتے ہوئے کہا کہ قومی مسائل سے نجات دلانے کا واحد حل نظام مصطفی ۖکے نفاذ میں ہے، انہوں کہا کہ یورپ ممالک میں قرآن پاک کی بے حرمتی اور شان رسالت پر حملے ناقابل برداشت ہیں.
