لاہور (کامران علی سے )دی ٹرسٹ سکول کی سالانہ شجر کاری مہم کا افتتاح میڈیم عائشہ ناصر نے کیا ۔ملک بھر کی طرح لاہور میں بھی شجر کاری مہم کا سلسلہ جاری ہے ۔دی ٹرسٹ سکول عامر ٹاؤن کیمپس میں سالانہ شجر کاری مہم کا افتتاح کر دیا گیا ۔
نجی آرگنائزیشن کی سی ای او میڈیم عائشہ ناصر نے پودا لگا کر سالانہ تقریب کا افتتاح کیا ۔انہوں نے کہا درخت وقت کی ضرورت ہیں۔ بڑھتی ہوئی آلودگی سے بچنے کے لئے درخت ساز گار ماحول فراہم کرتے ہیں۔ٹرسٹ سکول نے ہر سال کی طرح اس دفعہ بھی شجر کاری مہم کا آغاز کر کے ملک سےمحبت کا ثبوت دیا ہے ۔پاکستان اور پولوشن فری بنانا ہے تو درخت لگانے ہوں گے ۔
اس موقع پر پرنسپل عامر ٹاؤن کیمپس عاصم اسحاق ۔ میڈیم عظمی عدنان ۔ میڈیم راحت طارق ۔ سیف الرحمن ۔ عظیم بلوچ سمیت دیگر نے شرکت کی ۔
