چنیوٹ (رانا وسیم سے )ڈپٹی کمشنر محمد آصف رضا کی خصوصی ہدایت پر سی او ایجوکیشن ڈاکٹر ظفر اقبال اور ڈسٹرکٹ ایجوکیشن آفیسر ایلیمنٹری مہر آفتاب احمد کی نگرانی میں ضلع بھر کے تمام پرائمری اینڈ ایلیمنٹری سکولوں کی بحالی و خوبصورتی کا کام تیزی سے جاری ہے۔ ڈسٹرکٹ ایجوکیشن آفیسر ایلیمنٹری چنیوٹ مہر آفتاب احمد نے بتایا کہ سکولوں کو مکمل وائٹ واش کروایا جا رہا ہے جبکہ واش رومز کی صفائی۔ پینے کے صاف پانی کی دستیابی۔ فرنیچرز کی دستیابی۔کلاس رومز اور باہر کی دیواروں پر سبق آموز تحریریں اور پینٹنگز بنوائی جا رہی ہیں جبکہ سکولوں کے لانز کو خوبصورت بنانے کیلئے نئی گھاس اور پودے بھی لگائے جا رہے ہیں۔ انکا مزید کہنا تھا کہ ضلع کے تمام سکولوں میں دستیاب بجٹ سے ہنگامی بنیادوں پر کام جاری ہیں جو بہت جلد مکمل کر لیے جائیں گے۔
