کیلیفورنیا: ٹیکنالوجی کمپنی میٹا کی میسجنگ ایپلی کیشن واٹس ایپ نے اپنے بِیٹا صارفین کے لیے ایک ایپ سے متعدد اکانٹ چلانے کا فیچر متعارف کرا دیا۔واٹس ایپ بِیٹا انفو کے مطابق اینڈرائیڈ کے لیے واٹس ایپ بِیٹا کی تازہ ترین اپ ڈیٹ میں ایک ایپ سے متعدد اکانٹ کا فیچر متعارف کرایا گیا ہے۔
ایپ میں نیا اکانٹ ایک سادہ سے طریقے سے شامل کیا جاسکتا ہے۔ صارفین ایسا کیو آر کوڈ بٹن کے برابر میں موجود تیر کے نشان کو ٹیپ کر کے کر سکتے ہیں۔اس نئے فیچر میں کا ایک فائدہ یہ ہے کہ صارفین اکانٹ لاگ آٹ کیے بغیر باآسانی دیگر اکانٹ میں جا سکیں گے۔ شامل کیے گئے نئے اکانٹ تب تک فعال رہیں گے جب تک صارف ان کو لاگ آٹ نہ کریں۔
اس فیچر کا مقصد صارف کے تجربے کو مزید بہتر بنانا ہے۔ اس فیچر کو استعمال کرتے ہوئے صارفین اپنی نجی چیٹ، دفتر کی چیٹ اور دیگر چیٹ ایک ہی ایپ میں رہتے ہوئے الگ الگ رکھ سکیں گے، ساتھ ہی ہر اکانٹ کے لیے گفتگو اور نوٹیفکیشن بھی علیحدہ رکھ سکیں گے۔
