بغداد:چہلمِ امام حسین رضی اللّٰہ عنہ پر 1 لاکھ سے زائد پاکستانی زائرین کربلا پہنچ گئے۔عراق میں پاکستان کے سفیر احمد امجد علی کے مطابق1 لاکھ سے زائد پاکستانی زائرین کربلا پہنچے ہیں۔انہوں نے بتایا کہ پاکستانی زائرین کی سہولت کے لیے پاکستانی سفارت خانے کی جانب سے کربلا میں کیمپ لگایا گیا ہے۔سفیرِ پاکستان کا کہنا ہے کہ پاکستانی زائرین کی سہولت و رہنمائی کے لیے یہ 3 روزہ کیمپ لگایا گیا ہے۔انہوں نے مزید بتایا ہے کہ کیمپ پر ڈاکٹرز اور طبی عملہ موجود ہے، جبکہ سبیلِ امام حسین بھی سفارت خانے کی جانب سے لگائی گئی ہے۔عراق میں پاکستان کے سفیر احمد امجد علی کا یہ بھی کہنا ہے کہ سفارتی دشواریاں دور کرنے کے لیے پاکستانی سفارتی عملہ کربلا کیمپ آفس پر موجود ہے۔
