ملتان(سٹاف رپورٹر)معروف سماجی شخصیت ڈاکٹر عفان قیصر کی جانب سے ملتان کینٹ ریلوے اسٹیشن پر معذور مسافروں کے لیے دو وہیل چئیرز عطیہ کیں معذور مسافروں کو ٹرین پر سوار ہونے میں پیش آنے والی مشکلات کو آسان بنایا جا سکے۔ اس موقع پر ڈی ایس ریلوے ملتان ڈویژن حماد حسن مرزا نے مسافروں کے لیے وہیل چئیرز کے عطیے پر ڈاکٹر عفان قیصر کا شکریہ ادا کیا اور انسانیت کی خدمت کے لیے ان کے اس جذبے کی تعریف کی۔اس موقع پر ڈی ایس ریلوے ملتان حماد حسن مرزا کے ساتھ ڈی سی او ریلوے عدنان مروت ، ایس پی ریلوے شاہد نواز اور ڈاکٹر عبدالسمیع بھی موجود تھے۔
