مظفرگڑھ (غلام سجاد)تیز رفتار ہائی ایس مسافر وین نے موٹرسائیکل سوار میاں بیوی کو کچل دیا،بیوی موقع پر جاں بحق،خاوند زخمی،
ریسکیو کنٹرول روم مظفرگڑھ کے مطابق آج صبح مظفرگڑھ علی پور روڈ پر پیر جہانیاں چوک کے قریب ایک کیری ڈبہ کی سائیڈ لگنے سے موٹرسائیکل سوار میاں بیوی گر پڑے پیچھے سے آنے والی تیزرفتار مسافر ہائی ایس وین کا ڈرائیور تیزرفتاری کے باعث بریک نہ لگا سکا اور نیچے گرے ہوئے میاں بیوی کو کچل دیا جس کے نتیجے میں 40 سالہ صغراں بی بی زوجہ غلام محمد موقع پر جاں بحق ہو گئی اور اس کا 50 سالہ خاوند غلام محمد شدید زخمی ہو گیا،
اطلاع ملنے پر ریسکیو ہیڈکوارٹر نے قریبی پوائنٹ سے ایمبولینس کو روانہ کرا دیا اور پولیس کنٹرول کو بھی انفارم کر دیا،
ریسکیو اسٹاف نے موقع پر پہنچ کر زخمی ہونے والے شخص کو موقع پر ابتدائی طبی امداد فراہم کرنے اور جاں بحق ہونے والی خاتون کی نعش کو ڈیڈ باڈی شیٹ سے کور کرکے ڈسٹرکٹ ہیڈ کوارٹر ہسپتال مظفرگڑھ منتقل کر دیا ہے،حادثہ مسافر وین کی تیزرفتاری اور ڈرائیور کی لاپرواہی سے پیش آیا ہے۔
