کولمبو: لنکا پریمیئر لیگ(ایل پی ایل)کے میچ کے دوران گراونڈ میں سانپ گھس آیا جس کے باعث کھیل کو روک دیا گیا۔کولمبو میں پیر کو گال ٹائٹنز اور ڈمبولا اورا کے مابین میچ کے دوران اس وقت دلچسپ صورتحال پیدا ہوگئی جب ایک لمبے بلیک ممباسا سانپ کو گراونڈ میں رینگتے ہوئے دیکھا گیا جس کے بعد امپائرز نے کھیل کو روک دیا۔
امپائر نے اس بات کو یقینی بنایا کہ سانپ میدان سے نکل جائے لیکن وہ گال ٹائٹنز کے ڈگ آٹ میں داخل ہوگیا جس پر لیگ انتظامیہ کو ریسکیو اور وائلڈ لائف ٹیم کو بلا کر سانپ کو اسٹیڈیم سے باہر نکالنا پڑا۔ہندوستانی کرکٹر دنیش کارتک نے اس واقعے پر ٹویٹ کیا کہ ناگن واپس آگیا ہے۔ انہوں نے بنگلہ دیشی ٹیم پر بھی تنقید کی جو وکٹیں لینے کے بعد ناگن ڈانس کرتی ہے۔
