(ساہیوال مہر افتخار حسین ترہانہ سے)ساہیوال پولیس کاشہدائے ساہیوال پولیس کو خراج تحسین پیش کرنے کے لیے جہاز چوک ساہیوال میں شمعیں جلانے کی تقریب کا انعقاد
ریجنل پولیس آفیسر ساہیوال محبوب رشید ،ڈسٹرکٹ پولیس آفیسر ساہیوال فیصل شہزاد اور ساہیوال پولیس کے افسران اور سول سوسائٹی ممبران کی شرکت*ساہیوال پولیس کاجہاز چوک ساہیوال میں شہدائے ساہیوال پولیس کو خراج عقیدت پیش کرنے کے لیے شمعیں روشن کرنے کی ایک پر وقار تقریب کا انعقاد کیا جس میں آر پی او ساہیوال محبوب رشید ،ڈی پی او ساہیوال فیصل شہزاد اور ساہیوال پولیس کے ایس ڈی پی اوز اور ایس ایچ اوز، سول سوسائٹی کے ممبران کے علاوہ عوام الناس نے بھی کثیر تعداد میں شرکت کی۔اس موقع پر آر پی او ساہیوال محبوب رشید نے کہا کہ شہدا کی قربانیاں ہمارے لیے باعث تقلید ہیں ۔جان سے بڑھ کر قیمتی چیز کسی شخص کے لیے نہیں ہوتی اور جو اپنی جان فرض پر قربان کر دیتے ہیں وہی اللہ کے حضور بلند مرتبہ پاتے ہیں ۔ڈی پی او ساہیوال فیصل شہزاد نے خطاب کرتے ہوئے شہدائے پولیس کی قربانیوں کو سراہا اور انہیں خراج تحسین پیش کیا۔
