منچن آباد(خالد فاروق وٹو )میکلوڈ گنج کے نواحی علاقے کوٹ گجراں موضع محرم چھینہ میں گجر برادری کی کھیتوں کو پانی لگانے کے تنازعہ پر لڑا ئی جھگڑا شدت اختیار کر گیا جس پر عبدالرحمن ولد سلیم گجر نے فائرنگ شروع کردی۔فائرنگ سے عمر ولد غفار گجر شدید زخمی ھو گیا۔پولیس تھانہ میکلوڈ گنج نے جائے وقوعہ پر پہنچ کر قانونی کارروائی شروع کر دی ھے۔زخمی عمر کو میڈیکل ٹریٹمنٹ کے لئے تحصیل ہیڈ کوارٹر ھسپتال منچن آباد پہنچایا گیا جہاں پر زیادہ خون بہہ جانے کی وجہ سے جان کی بازی ہار گیا۔ایک دوسرا واقعہ منچن آباد شہر کے قریب نئی فورڈواہ پل کے قریب حادثاتی طور پر پیش آیا ھے جس میں 20 سالہ نوجوان اور ایک خاتون کو تیز رفتار ٹرالے نے کچل ڈالا۔نوجوان موٹر سائیکل پر اپنی والدہ کو لے کر بہاول نگر روڈ کی طرف جا رہا تھا کہ تیز رفتار ٹرالے نے پیچھے سے ٹکر مار دی جس سے بزرگ خاتون موقع پر ہی جان بحق ہو گئی اور نوجوان شدید زخمی ہو گیا۔ ریسکیو ٹیموں نے فوری طور پر جائے وقوعہ پر پہنچ کر زخمی اور ڈیڈ باڈی کو مقامی ہسپتال منتقل کر دیا ھے پولیس تھانہ منچن اباد نے ٹرالے کو قبضے میں لے کر قانونی کاروائی شروع کر دی ھے۔
