ڈبلن:آئرلینڈ اور بھارت کی کرکٹ ٹیموں کے درمیان تین ٹی ٹونٹی میچوں پر مشتمل سیریز کا پہلا میچ آج(جمعہ کو)دی ولیج، ڈبلن میں کھیلا جائے گا۔بھارت کی مینز کرکٹ ٹیم ان دنوں آئرلینڈ میں موجود ہے اور وہ اپنے دورہ آئرلینڈ کے دوران میزبان ٹیم سے تین ٹی 20 میچوں کی سیریز کھیلے گی۔ بھارتی ٹیم مایہ ناز فاسٹ بائولر جسپریت بمراہ کی زیر قیادت میدان میں اترے گی جبکہ آئرش ٹیم کو پال سٹیرلنگ لیڈ کریں گے۔دونوں ٹیموں کے درمیان تین میچوں کی سیریز کا دوسرا میچ 20 اگست کو کھیلا جائے گا جبکہ تیسرا اور آخری ٹی ٹونٹی میچ 23 اگست کو کھیلا جائے گا۔ تین ٹی ٹونٹی میچوں کی سیریز کے تینوں میچز دی ولیج، ڈبلن میں کھیلے جائیں گے
