کراچی:جنوبی افریقہ کی ویمنز کرکٹ ٹیم کراچی پہنچ گئی، اتوار کو کراچی ائیرپورٹ اس کا استقبال پاکستان کرکٹ بورڈ ویمنز ونگ کی سربراہ تانیہ ملک، جنرل منیجر عائشہ اشعر اوردیگر عہدیداروں نے کیا اور کھلاڑیوں کو گلدستہ پیش کئے،جس کے بعد ٹیم کر اراکین سخت سکیورٹی حصار میں ٹیم ہوٹل پہنچے۔مہمان ٹیم کا یہ پاکستان کا پہلا دورہ ہے۔کپتان لورا وولوارڈٹ، ماریزان کیپ اور نادین ڈی کلرک 29 اگست کو کراچی پہنچیں گی۔ٹیم فزیو تھراپسٹ مولبتسی فیلانے بھی 29 اگست کو پہنچیں گے۔پاکستان اور جنوبی افریقا کی خواتین کرکٹ ٹیموں کے مابین تین ٹی ٹوئنٹی انٹرنیشنل میچوں کی سیریز یکم ستمبر سے کراچی کے نیشنل سٹیڈیم میں کھیلی جائے گی۔ٹی ٹوئنٹی سیریز کے بعد تین ون ڈے انٹرنیشنل میچز 8، 11، اور 14 ستمبر کو کھیلے جائیں گے۔جنوبی افریقہ ویمنز ٹیم کل پیر سے ٹریننگ سیشنز کا آغاز کرے گی۔
