اسلام آباد:نگراں وفاقی حکومت کے اقدمات کے باعث امریکی ڈالر کی قدر میں کمی کا سلسلہ جاری ہے۔انٹر بینک میں ڈالر 1 روپے 50 پیسے سستاہونے کے بعد 296 روپے 50 پیسے کا ہو گیا۔گزشتہ روز انٹر بینک میں کاروبار کے اختتام پر ڈالر 297 روپے 96 پیسے کا تھا۔ادھر اوپن مارکیٹ میں ڈالر کا بھاؤ 298 روپے برقرار ہے۔پاکستان اسٹاک ایکسچینج میں آج کاروبار کا مثبت رجحان دیکھنے میں آ رہا ہے۔پاکستان اسٹاک ایکسچینج کا 100 انڈیکس 347 پوائنٹس کے اضافے کے بعد 45 ہزار 997 پر آگیا۔گزشتہ روز 100 انڈیکس 45 ہزار 650 پوائنٹس پر بند ہوا تھا۔
