نیویارک:سابق امریکی صدر ڈونلڈ ٹرمپ نیٹک ٹاک جوائن کرلیا۔ اے ایف پی سابق امریکی صدر ڈونلڈ ٹرمپ نے ٹک ٹاک میں اپنا اکاونٹ بنالیا اور ان کے فالوورز کی تعداد 30 لاکھ ہوگئی۔ انہوں نے اپنی پہلی ٹک ٹاک وڈیو جاری کرتے ہوئے کہاکہ ٹک ٹاک جوائن کر نا میرے لئے باعث اعزاز ہے۔وڈیو میں انہیں ریپبلکن پارٹی کے ممکنہ صدارتی امیدوار کو امریکی ریاست نیو جرسی کے سب سے زیادہ آبادی والے شہر نیوارک میں الٹیمیٹ فائٹنگ چیمپئن شپ گیم میں سامعین کے سامنے لہراتے ہوئے دکھایا گیا ہے۔ پہلی پوسٹ پر انہیں 12 گھنٹوں کے اندر تقریباً 33 ملین ویوز ملے اور اب اسے 2.9 ملین سے زیادہ لائکس مل چکے ہیں۔
